Presidential Secretariat of Sri Lanka

අලුත් අවුරුදු උදාවෙන් පසු වැඩ අරඹමින් ජනපති මැති, ඇමති සහ කාර්ය මණ්ඩලය හමු වෙයි

සිංහල දෙමළ අලුත් අවුරුදු උදාවෙන් පසු නව වසරේ රාජකාරී කටයුතු ආරම්භ කරමින් ජනාධිපති ගෝඨාභය රාජපක්ෂ මැතිතුමා අද (19) පෙරවරුවේ ජනාධිපති කාර්යාලයේ දී මැති ඇමතිවරු සහ සිය කාර්ය මණ්ඩලය හමු විය.

අභියෝග ජය ගනිමින් ජනතා අපේක්ෂා සාක්ෂාත් කර ගැනීමට සුබවාදී ආකල්පයෙන්, අධිෂ්ඨානයෙන් සහ කැපවීමෙන් ක්‍රියා කළ යුතු  බව ජනාධිපතිතුමා පැවසීය.

උදාවූ සිංහල, දෙමළ අලුත් අවුරුද්දට මැති ඇමතිවරුන්ට සහ කාර්ය මණ්ඩලයට සුබ පැතුම් එක් කළ ජනාධිපතිතුමා පිරිස සමග සුහද කථා බහක නිරත විය.

ජනාධිපති ලේකම්තුමාගේ ප්‍රධානත්වයෙන් සංවිධාන කර තිබූ තේපැන් සංග්‍රහයට ද ජනාධිපතිතුමා ඇතුළු පිරිස එක් වූහ.

මැති ඇමතිවරු, ජනාධිපති ලේකම් පී.බී. ජයසුන්දර, ජනාධිපති ප්‍රධාන උපදේශක ලලිත් වීරතුංග, ජනාධිපති අතිරේක ලේකම් (පාලන හා මෙහෙයුම්) විශ්‍රාමික මේජර් ජෙනරාල්  කේ.බී. එගොඩවෙලේ, ජනාධිපති පෞද්ගලික ලේකම් සුගීශ්වර බණ්ඩාර යන මහත්වරු ඇතුළු ජනාධිපති කාර්යාලයේ ජ්‍යෙෂ්ඨ නිලධාරීහු සහ රාජ්‍ය නිලධාරීහු මේ අවස්ථාවට එක්ව සිටියහ.

පුවත්

Most popular